كل سنة و أنتم طيبين بمناسبة العام الدراسى الجديد , يا رب يبقى عام مفيد و نافع
كل سنة و أنتم طيبين بمناسبة رمضان
كل سنة و انتم طيبين بمناسبة مرور سنة على أول انتخابات مزورة فى تاريخ مصر بعد ما كانت استفتاءات مزورة برضوة
كل سنة و أنتم طيبين و الخصخصة شغالة فى البلد زى المنشار طالع واكل نازل واكل ى العمال و الموظفين الغلابة
كل سنة و أنتم طيبين بمناسبة مرور سنة برضوة على ارتفاع مصاريف الكليات و المدارس و الكتب , يا ترى ده له علاقة بانتخابات الرئاسة و برنامج السيد الرئيس اللى وعد فيه بالاهتمام بمحدودى الدخل؟
كل سنة و أنتم طيبين بمناسبة الغلابة اللى على قد حالهم اللى ماتوا ى قطر قليوب و ايتاى البارود و غرقوا فى عبارة السلام 98 وفنانينا اللى اتحرقوا فى بنى سويف, و عساكرنا اللى ماتوا على الحدود بنيران صديقة أطلقتها حليفتنا اسرائيل
كل سنة و انتم طيبين بمناسبة غلو السكر و السلع التموينية و البنزين اللى لما بيغلى بتغلى كل حاجة وراه
كل سنة و أنتم طيبين و بلدنا بقت عايشة فى حرية و ديمقراطية بسبب قانون الصحافة الجديد اللى بيودى ى داهية اى حد يعيب فى الذات الملكية , ولما حد يكشفتزوير الانتخابات يعنى يقول الحق يتلام و المزورين ما يتحسبوش لا يحاسبوا
كل سنة و انتم طيبين بمناسبة ان أمريكا بدأت تبارك مشروع التوريث
كل سنة و أنتم طيبين بمناسبة ان56 فى المية من الشعب المصرى بقى تحت خط الفقر
كل سنة و أنتم طيبين بمناسبة ان التأمين الصحى بدل ما حيبقى اجتماعى حيبقى تجارى , حتى العيا حيتجروا فيه
كل سنة و أنتم طيبين _ ودى يمكن الحاجة الوحيدة الحلوة السنة دى_ بمناسبة انتصار المقاومة الباسلة فى لبنان و يا شماتتنا فى البتاع ده
اخر كلام عندنا كل سنة و انتم طيبين و يا رب السنة دى تكون بداية سنة نهتم فيها بقضايا بلدنا و تكون السنة دى بداية شرارة التغيير
هناك تعليقان (٢):
كل عام و انتم بخير بس بلاش وحياتك حكايه النيران الصديقه كمن عندى حساسيه
ممكن اسالك عن الحل
من غير معرف اجابتك اكيد معندكيش حل بصى انا لى تجربة زى الزفت فى التجمع وفى المصرى وبصراحة انا عندى عقدة تخلينى شايفك وشايف كل البلوجز زى المنتفعين او اشتركيين اليومين دول ممكن انتوا اكتفيتوا بالنت ممكن يكون عندكوا فعلا دم يتحرق كل طلعة شمس على البلد دى واللى بيجرا فيها بس انا عقدتى متحكمة فيا الى ان يثبت العكس انا تليفونى 0182713816
لو حد فيكوا حب يكلمنى انا طالب فى كلية حقوق سنة تانية وعلى فكرة تجربتى كانت خمس سنين فى التجمع والمصرى
وانا ماركسى معرفش انتوا ماركسيين ولا لا ولا انتوا فعلا اشتراكيين ولا من النوع اللى صادف كتاب او معلومه قرر بعدها انه اشتراكى ابا عن جد
إرسال تعليق